DIAMOND CITY NEWS, SURAT
મેડાગાસ્કરમાં એક સરકારી અધિકારીને જેમ્સ માઈનના લાયસન્સના બદલામાં લાંચ માંગવાના કેસમાં યુકેની અદાલત દ્વારા દોષિત ઠેરવવામાં આવી છે. 47 વર્ષીય રોમી એન્ડ્રિયારિસોઆ મેડાગાસ્કરના પ્રેસિડેન્ટના ચીફ ઓફ સ્ટાફ હતા. આ અધિકારીએ પોતાના એક સાથી સાથે મળીને જેમફિલ્ડસ, યુકે રુબી અને એમરલ્ડ માઈનરનો સંપર્ક કર્યો હતો.
તેઓએ સંભવિત કોન્ટ્રાક્ટની ચર્ચા કરવા માટે પ્રમુખ એન્ડ્રી રાજોએલિના અને ઉચ્ચ અધિકારીઓ સાથે બેઠકો ગોઠવવાની ઓફર કરી હતી. તેઓ 310,000 ડોલર વત્તા કોઈ પણ અનુગામી સંયુક્ત સાહસમાં 5 ટકા ઈક્વિટી હિસ્સાની લાંચ માંગી રહ્યાં હતાં. જેનું સંભવિત મૂલ્ય 5 મિલિયન ડોલર જેટલું છે.
જેમફિલ્ડ્સ તેમના ઈરાદાઓ વિશે શંકાસ્પદ હતા. તેમની ચિંતાઓ યુકેની નેશનલ ક્રાઈમ એજન્સીને ફરિયાદ કરી હતી. બાદમાં એજન્સીએ ખાનગી રાહે ઓપરેશન શરૂ કર્યું હતું. જેના પરિણામે ઓગસ્ટ 2023માં લંડનમાં 54 વર્ષીય એન્ડ્રિયારિસોઆ અને ફિલિપ ટેબ્યુટ્યુની ધરપકડ કરવામાં આવી હતી.
સાઉથવાર્ક ક્રાઉન કોર્ટે લંડનમાં જ્યુરી દ્વારા એન્ડ્રિયારિસોઆને દોષિત ઠેરવવામાં આવી હતી અને તેને માર્ચમાં સજા થવાની છે. સપ્ટેમ્બર 2023માં ટેબુટ્યુએ આરોપ કબૂલ્યો હતો.
એનસીએએ એક નિવેદનમાં જણાવ્યું હતું કે, આ બાબતને અમારા ધ્યાન પર લાવવા માટે અમે ખાસ કરીને જેમફિલ્ડ્સના આભારી છીએ, પરંતુ સફળ પરિણામ લાવવા માટે સમગ્ર તપાસ દરમિયાન અમારી સાથે કામ કરવાનું ચાલુ રાખ્યું છે.
રોમી એંદ્રિયારિસોઆ એક ભ્રષ્ટ અધિકારી છે જેણે તેણીની જાહેર ફરજો દરમિયાન પોતાને સમૃદ્ધ બનાવવાનું પસંદ કર્યું. અધિકારીઓને આ જોડીની જાણ કરીને જેમફિલ્ડ્સે તેમના અને અન્ય લોકોના વ્યવસાયને લોભી અને અનૈતિક વ્યક્તિઓથી સુરક્ષિત કર્યા છે.
______________________________________________________
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp Channel
