એંગ્લો અમેરિકન-ટેક મર્જર પર દક્ષિણ આફ્રિકામાં સંસદીય તપાસની માંગણીને આંતરરાષ્ટ્રીય સંગઠનોએ ટેકો આપ્યો

DIAMOND CITY NEWS, SURAT

એંગ્લો અમેરિકનના કેનેડાની ટેક રિસોર્સિસ સાથેના પ્રસ્તાવિત મર્જર અને કોર્પોરેટ મુખ્યમથકને કેનેડા ખસેડવાની યોજના પર દક્ષિણ આફ્રિકાની સંસદ દ્વારા કડક દેખરેખ રાખવાની માંગણી કરતી રાષ્ટ્રીય અરજીને હવે આંતરરાષ્ટ્રીય સ્તરે મજબૂત ટેકો મળી રહ્યો છે.

માઇનિંગવૉચ કેનેડા, લંડન માઇનિંગ નેટવર્ક અને એક્શન ફોર સધર્ન આફ્રિકા (ACTSA)એ સત્તાવાર રીતે ‘100-વર્ષના દેવાની ઝુંબેશ’ (100-Year Debt Campaign) ને પોતાનું સમર્વસંમતિથી સમર્થન જાહેર કર્યું છે. આ ત્રણેય સંગઠન એવા દેશોમાં કાર્યરત છે જ્યાં આ મર્જરની નિયામકીય સમીક્ષા, શેરહોલ્ડર જવાબદારી અને જાહેર હિતની દેખરેખ થઈ રહી છે.

આ આંતરરાષ્ટ્રીય સમર્થનથી આંગ્લો અમેરિકનના પ્રસ્તાવિત કોર્પોરેટ પુનર્ગઠન, માહિતી જાહેર કરવાની પ્રક્રિયા અને ગવર્નન્સના મુદ્દાઓ પર વધતી જતી વૈશ્વિક ચિંતા સ્પષ્ટ થાય છે.

આ ત્રણ આંતરરાષ્ટ્રીય સંગઠનો હવે દક્ષિણ આફ્રિકાના વિશાળ સંગઠનોના ગઠબંધન સાથે જોડાયા છે, જેમાં સ્થાનિક સમુદાયો, ત્લૌ મોગાલે ફાઉન્ડેશન, જનરલ ઇન્ડસ્ટ્રીઝ વર્કર્સ યુનિયન ઑફ સાઉથ આફ્રિકા (GIWUSA), ઇન્સ્ટિટ્યૂટ ફોર ઇકોનોમિક જસ્ટિસ, સેન્ટર ફોર એપ્લાઇડ લીગલ સ્ટડીઝ અને લૉયર્સ ફોર હ્યુમન રાઇટ્સ જેવી સંસ્થાઓનો સમાવેશ થાય છે.

આ ગઠબંધનનો હેતુ એ સુનિશ્ચિત કરવાનો છે કે મર્જર દક્ષિણ આફ્રિકાના જાહેર હિત અને કાયદાકીય જવાબદારીઓને અનુરૂપ હોય, શેરહોલ્ડરો માટે પારદર્શિતામાં વધારો થાય, પબ્લિક ઇન્વેસ્ટમેન્ટ કોર્પોરેશન (PIC – આંગ્લોનો સૌથી મોટો સ્થાનિક શેરહોલ્ડર) પર સંસદીય દેખરેખ વધે અને અસરગ્રસ્ત સમુદાયો તેમજ પર્યાવરણીય જવાબદારીઓનું રક્ષણ થાય.

માઇનિંગ એફેક્ટેડ કમ્યુનિટીઝ યુનાઇટેડ ઇન એક્શન (MACUA) અને WAMUA દ્વારા સંચાલિત ‘100-વર્ષના દેવાની ઝુંબેશ’એ ગઈ ૨૬ નવેમ્બરે સંસદમાં પોતાની રાષ્ટ્રીય અરજી ઔપચારિક રીતે સુપ્રત કરી દીધી છે. અરજીમાં આંગ્લોના કેનેડા સ્થળાંતર, ટેક સાથેના વ્યવહાર અને PICના વર્તનની બહુપક્ષીય સંસદીય તપાસની માંગણી કરવામાં આવી છે.

MACUA અને WAMUAના કાર્યકારી નિયામક ક્રિસ્ટોફર રૂટલેજે જણાવ્યું કે, “આ ઝુંબેશ દક્ષિણ આફ્રિકાના ખનિજ સંપત્તિ માટે પુનઃસ્થાપક ન્યાય, પારદર્શિતા અને નવા સામાજિક કરારની સ્પષ્ટ હાકલ છે.”

Disclaimer : This information has been collected through secondary research and Diamond City Newspaper is not responsible for any errors in the same.

ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.

FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp | YouTube