DIAMOND CITY NEWS, SURAT
ઇન્ડિયન ચેમ્બર ઑફ કોમર્સ (ICC) દ્વારા ડાયમંડ કોન્ક્લેવ 2.0નું આયોજન કરવામાં આવ્યું હતું, જેમાં “ઇન્ડિયા શાઇનિંગ ફૉર ધ ગ્લોબલ સ્ટેજ” થીમ હેઠળ રત્ન અને આભૂષણ ઉદ્યોગના ભવિષ્ય પર ચર્ચા થઈ. આ કોન્ક્લેવ જીજેપીસી (GJEPC) સહ-ભાગીદાર તરીકે જોડાયું હતું.
જીજેપીસીના એક્ઝિક્યુટિવ ડિરેક્ટર સબ્યસાચી રાયે જણાવ્યું કે ભારત દુનિયાના લગભગ 90% હીરા પ્રોસેસ કરે છે અને કટિંગ, પોલિશિંગ અને ટ્રેડિંગ ક્ષેત્રમાં અગ્રેસર છે. તેમણે ઉમેર્યું કે ભારત માત્ર હીરાના કેન્દ્ર તરીકે જ નહીં પરંતુ સમગ્ર રત્ન-આભૂષણ મૂલ્ય શ્રેણીમાં પણ પોતાનું સ્થાન મજબૂત કરી રહ્યું છે.
તેમણે ઉદ્યોગને મજબૂત બનાવવા માટે જીજેપીસી દ્વારા શરૂ કરાયેલા કાર્યક્રમો જેવા કે ગ્લોબલ ટ્રેડ શો, કોમન ફેસિલિટી સેન્ટર, સ્કિલ ડેવલપમેન્ટ, પોલિસી એડ્વોકસી અને આંતરરાષ્ટ્રીય બજારોમાં બ્રાન્ડ ઇન્ડિયાને પ્રોત્સાહન આપવાના પ્રયાસો અંગે માહિતી આપી.
વાણિજ્ય વિભાગના ડિરેક્ટર આર. અરુળાનંદને જણાવ્યું કે ભારતના હીરા પ્રોસેસિંગ ઉદ્યોગમાં દસ લાખથી વધુ લોકો રોજગાર મેળવે છે. પરંતુ અમેરિકાએ ટેરિફ 50% સુધી વધારતાં ખાસ કરીને સુરતમાં આશરે લાખો નોકરીઓ જોખમમાં આવી શકે છે. તેમણે જણાવ્યું કે ભારત આ પડકારોને દૂર કરવા માટે વૈશ્વિક ભાગીદારો સાથે સતત ચર્ચા કરી રહ્યું છે.
આ કોન્ક્લેવમાં ભારત સરકારના ચીફ ઇકોનોમિક એડવાઇઝર ડૉ. વી. અનંથા નાગેશ્વરન, પશ્ચિમ બંગાળ સરકારની પ્રિન્સિપલ સેક્રેટરી વંદના યાદવ તથા ડી બિયર્સ અને સેનકો ગોલ્ડ સહિતના મોટા ઉદ્યોગપતિઓ હાજર રહ્યા.
ચર્ચામાં ટેરિફનો સામનો, વ્યવસાયમાં સરળતા, ટકાઉપણું, ટેકનોલોજી અપનાવવી, નિકાસમાં વધારો અને આંતરિક માંગને પ્રોત્સાહન જેવા મુદ્દાઓ પર ધ્યાન કેન્દ્રિત કરાયું.
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp | YouTube
