DIAMOND CITY NEWS, SURAT
વિશ્વના ડાયમંડ હબ ગણાતા સુરત શહેરના રત્નકલાકારો અને ઉદ્યોગ સાહસિકો માટે ગૌરવ સમાન વિષય છે. સચિન GIDC સ્થિત સુરત SEZ ખાતે ૨૬ ફેબ્રુઆરી ૨૦26 ના રોજ ‘KDT ડાયમંડ ઈન્ડિયા’ ના નવા યુનિટનો પ્રારંભ કરવામાં આવ્યો છે.
દક્ષિણ કોરિયાના પ્રતિષ્ઠિત ઉદ્યોગ જૂથ અને સુરતના સ્થાનિક નેતૃત્વના સંગમથી શરૂ થયેલ આ પ્રોજેક્ટ આગામી સમયમાં લેબ-ગ્રોન ડાયમંડ ક્ષેત્રે ક્રાંતિ લાવશે.
આંતરરાષ્ટ્રીય મહાનુભાવોની હાજરીમાં ‘ગણેશ વંદના’ સાથે પ્રારંભ
કાર્યક્રમની શરૂઆત ‘શ્રી ગણેશાય નમઃ’ ના નાદ સાથે પરંપરાગત રીતે કરવામાં આવી હતી. આ પ્રસંગે દક્ષિણ કોરિયાના રાજદૂત શ્રી Seongho Lee ખાસ ઉપસ્થિત રહ્યા હતા.
તેમની સાથે સુરતના પ્રથમ નાગરિક અને મેયર શ્રી દક્ષેશ માવાણી, મ્યુનિસિપલ કમિશનર શ્રી એમ. નાગરાજન, અને પોલીસ કમિશનર શ્રી અનુપમ સિંહ ગેહલોત એ હાજરી આપી ઉદ્યોગ જગતને પ્રોત્સાહિત કર્યું હતું.
કોરિયન વિઝન અને સુરતનું એક્ઝિક્યુશન
ફેક્ટરીના ઉદઘાટન સમયે ફાઉન્ડર શ્રી Seunggi Kang અને સીઈઓ શ્રી Sunghyuk Kang એ જણાવ્યું હતું કે, આ ફેક્ટરી એડવાન્સ ટેકનોલોજી અને કડક ક્વોલિટી કંટ્રોલ પર આધારિત છે.
એક્ઝિક્યુટિવ ડાયરેક્ટર શ્રી હરેશ સાંગાણી ના માર્ગદર્શન હેઠળ આ પ્લાન્ટ સુરતને વિશ્વ કક્ષાએ લીડર બનાવવામાં મહત્વની ભૂમિકા ભજવશે.
- વૈશ્વિક ભાગીદારી : ભારત અને દક્ષિણ કોરિયા વચ્ચેના મજબૂત વ્યાપારિક સંબંધોનું પ્રતિક.
- અત્યાધુનિક ટેકનોલોજી : ફેક્ટરીમાં વર્લ્ડ ક્લાસ મશીનરી અને સ્કિલ્ડ ક્રાફ્ટમેનશિપનો સમન્વય.
- ઉપસ્થિત વીઆઈપી : કોરિયાના ફર્સ્ટ સેક્રેટરી સુશ્રી Sanghee Lee અને KOTRA ના હેડ શ્રી Kyunam Kim પણ સહભાગી થયા હતા.
ડાયમંડ સિટી ન્યૂઝ સાથેની વાતચીતમાં મેનેજમેન્ટે જણાવ્યું કે, આ પ્લાન્ટ માત્ર ઉત્પાદન જ નહીં, પરંતુ હીરા ઉદ્યોગમાં નવી રોજગારી અને ગુણવત્તાના નવા માપદંડો સ્થાપિત કરશે.
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp | YouTube
