Home Market Report & Analysis વૈશ્વિક હીરા બજારમાં મિશ્ર વાતાવરણ : નાના કદના હીરામાં મંદી અને મોટા...

વૈશ્વિક હીરા બજારમાં મિશ્ર વાતાવરણ : નાના કદના હીરામાં મંદી અને મોટા સોલિટર ક્ષેત્રે મજબૂત માગ

દિવાળી પૂર્વે ભારતીય ઉત્પાદકો દ્વારા કાચા હીરાની ખરીદીમાં કાપ, યુએસ રિટેલ માર્કેટમાં રાઉન્ડ અને ફેન્સી કટ્સનો ક્રેઝ, તેમજ ડી બિયર્સના વેચાણ અંગે મોટા સમાચાર.

October 17, 2026

- Advertisement -

DIAMOND CITY NEWS, SURAT

વિશ્વભરના પ્રમુખ હીરા બજારોમાં વિવિધ કેટેગરીના હીરાની માગ અને ભાવમાં મિશ્ર વલણ જોવા મળી રહ્યું છે. નાના કદના હીરા ક્ષેત્રે શરૂ થયેલી સુધારાની ગતિ હવે ધીમી પડી રહી છે, જ્યારે ૨ કેરેટ અને તેથી મોટા કદના સોલિટાયર હીરાની વેપારી માગ સતત મજબૂત અને સ્થિર જળવાઈ રહી છે.

બજારના મુખ્ય સમાચારો :

હીરા ઉત્પાદકો દ્વારા કારખાનાઓમાં ઉત્પાદન વધારવામાં આવ્યા બાદ ૦.૩૦ કેરેટ અને ૦.૪૦ કેરેટ ધરાવતા નાના હીરાનો ઇન્વેન્ટરી સ્ટોક સતત વધી રહ્યો છે. સ્ટોકમાં વધારો થવાના કારણે આ કેટેગરીમાં ભાવમાં નીચે તરફનું કરેક્શન (ભાવ ઘટાડો) જોવા મળી રહ્યું છે.

આ સામે ૨ કેરેટ અને તેનાથી મોટા કદના હીરાની માગ જળવાઈ રહી છે. અમેરિકાના (US) રિટલ અને હોલસેલ ક્ષેત્રે સ્થિતિ મજબૂત છે, જ્યાં ફેન્સી શેપ્સ કરતાં રાઉન્ડ શેપ વધારે ઝડપથી વેચાઈ રહ્યા છે.

ભારતમાં આગામી એક મહિના લાંબા દિવાળીના તહેવારોના વેકેશન અને કારખાના બંધ રહેવાના કારણે ભારતીય હીરા ઉત્પાદકો અને ડાયમંડ કટિંગ-પોલિશિંગ યુનિટ્સે કાચા હીરાની નવી ખરીદીમાં મોટો કાપ મૂક્યો છે.

કોર્પોરેટ અને બિઝનેસ ક્ષેત્રે મોટા ફેરફારો જોવા મળી રહ્યા છે. એંગ્લો અમેરિકન કંપની પોતાની હીરા ક્ષેત્રની અગ્રણી બ્રાન્ડ ‘ડી બિયર્સ’ ના વેચાણ પ્રક્રિયાના અંતિમ તબક્કામાં છે. આ સોદા અંતર્ગત આફ્રિકન દેશ બોત્સ્વાનાને આશરે ૨૫% હિસ્સેદારી મળવાની ધારણા છે. આ ઉપરાંત, ગારેથ પેનીના બિડિંગ કન્સોર્ટિયમમાં જોડાવા માટે જાણીતી જ્વેલરી બ્રાન્ડ સિગ્નેટ અને રિચમોન્ટ દ્વારા વાટાઘાટો ચાલી રહી હોવાના અહેવાલો છે.

લક્ઝરી ક્ષેત્રની વાત કરીએ તો, એલવીએમએચ (LVMH) ગ્રુપના જ્વેલરી અને વોચ વિભાગે (જેમાં ટિફની એન્ડ કંપની – Tiffany અને બલ્ગારી – Bulgari બ્રાન્ડ સામેલ છે) ત્રીજા ત્રિમાસિક ગાળામાં (3Q) વાર્ષિક ધોરણે ૮% નો વૃદ્ધિ દર હાંસલ કર્યો છે, જેની આવક $૨.૮ અબજ (આશરે ૨.૮ બિલિયન ડોલર) પર પહોંચી છે. આ સિવાય મિડલ વેસ્ટ પાર્ટનર્સે ડેવિડ વેબના માલિક પાસેથી ‘લુગાનો જ્વેલરી’ ખરીદી લીધી છે. બીજી તરફ, ઇઝરાયેલ ડાયમંડ એક્સચેન્જે દેશના ટેક્સ ઓથોરિટીઝ સાથે મહત્વપૂર્ણ કરાર કર્યા છે.

ફેન્સી કટ ક્ષેત્રે ૨ કેરેટ અને તેથી મોટા લાંબા ફેન્સી શેપ્સ (ઓવલ, માર્ક્વિઝ અને એમરાલ્ડ)નું વેચાણ ઝડપથી થઈ રહ્યું છે. ખૂબ જ સારી ગુણવત્તા ધરાવતા માર્ક્વિઝ, લોંગ રેડિયન્ટ અને લોંગ કુશન શેપની બજારમાં ભારે અછત વર્તાઈ રહી છે. હાલમાં માર્ક્વિઝ કટ એ સૌથી મોંઘો ફેન્સી શેપ બની રહ્યો છે.

ફેન્સી કટ્સ અને શેપ્સનું માર્કેટ :

લાંબા કદના લોંગ કુશન સરળતાથી વેચાઈ રહ્યા છે અને ચોરસ કુશનની સરખામણીએ ૨૦% થી ૨૫% પ્રીમિયમ મેળવી રહ્યા છે. લાંબા સમયની મંદી અને નબળાઈ બાદ પ્રિન્સેસ કટ હીરાની માગમાં સુધારો નોંધાયો છે, જોકે તેના ભાવ હજુ નીચા સ્તરે છે.

એન્ટીક કટ્સ અને ક્લાસિક સ્ટાઇલ્સનો ક્રેઝ ઝડપથી વધી રહ્યો છે. યુએસ માર્કેટમાં ઉત્તમ આકાર અને ગુણવત્તા ધરાવતા એલોન્ગેટેડ ઓવલ્સ (Elongated Ovals – ડી થી આઇ કલર, VS થી SI ક્લેરિટી) ની મજબૂત માગ છે. પર્ફેક્ટ કટિંગ અને ઉત્કૃષ્ટ પ્રપોશન ધરાવતા ફેન્સી શેપ્સ મળવા મુશ્કેલ છે અને તે પ્રીમિયમ ભાવે વેચાઈ રહ્યા છે, જ્યારે ખરાબ પ્રપોશન ધરાવતા ફેન્સી હીરા બજારમાં વેચવા મુશ્કેલ બની રહ્યા છે.

વૈશ્વિક પ્રમુખ હીરા બજારોની સ્થિતિ :

ભારત : ભારતીય બજાર હાલ બે ભાગમાં વહેંચાયેલું જોવા મળી રહ્યું છે. એક તરફ રાઉન્ડ શેપ, ૩ કેરેટ કે તેથી મોટા કદના, G-H કલર અને VS ક્લેરિટી ધરાવતા પ્રીમિયમ હીરાનું પ્રદર્શન પ્રમાણમાં ખૂબ સારું છે, જ્યારે બીજી તરફ નાના કદના હીરા ક્ષેત્રે મિશ્ર પ્રતિસાદ છે. સ્થાનિક જ્વેલરી માર્કેટની મજબૂત માગ ભારતીય વેપારને ટેકો આપી રહી છે, જેમાં સોલિટર અને મોટા પથ્થર ધરાવતી જ્વેલરી ડિઝાઇનનો ક્રેઝ યથાવત છે. ગણપતિ ઉત્સવ પૂર્ણ થયા બાદ બજારમાં સામાન્ય સુસ્તી નોંધાઈ છે.

યુનાઇટેડ સ્ટેટ્સ (US) : અમેરિકાનું બજાર એકંદરે હેલ્ધી અને મજબૂત સ્થિતિમાં છે. અહીં ૨ કેરેટ, F-I કલર અને VS-SI2 ક્લેરિટી ધરાવતા રાઉન્ડ અને એલોન્ગેટેડ ફેન્સી હીરાની હોલસેલ તથા રિટલ બંને ક્ષેત્રે ભારે માગ જોવા મળી રહી છે. રાઉન્ડ શેપ હીરાનું વેચાણ ફેન્સી હીરા કરતાં વધુ છે, જેમાં ૫ કેરેટ અને તેથી મોટા હીરાનું વેચાણ પણ ખૂબ સારું છે. આ ઉપરાંત, સ્ટેપ-કટ ઓવલ, એન્ટીક શેપ્સ, મોર્ડન યુરો અને ઓલ્ડ માઇનર્સ કટ્સની પણ મજબૂત પકડ છે. જોકે, સપ્લાયર્સ દ્વારા નીચા ભાવે માલ ઉપલબ્ધ કરાવવાની સ્પર્ધા વધતી જોવા મળી રહી છે.

બેલ્જિયમ (એન્ટવર્પ) : આગામી રજાઓ અને તહેવારોની સિઝન પૂર્વે બેલ્જિયમનું માર્કેટ સક્રિય બન્યું છે, પરંતુ અગાઉના સપ્તાહોની સરખામણીએ કારોબારની ગતિ થોડી ધીમી પડી છે. ૦.૩૦ થી ૦.૭૦ કેરેટ ધરાવતા હાઇ-ક્વોલિટી હીરાનો વેપાર સારો છે. બજારમાં સૌથી વધુ માગ ટોપ ક્વોલિટી અને 3X (ટ્રિપલ એક્સેલન્ટ) ધરાવતા માલની છે, જ્યારે સસ્તા અને સામાન્ય માલનું વેચાણ ધીમું છે. સ્થાનિક વેપારીઓમાં લેબગ્રોન અને સિન્થેટિક હીરાના કારણે પડનારા પ્રભાવ અંગે કેટલીક ચિંતાઓ પણ જોવા મળી રહી છે.

ઇઝરાયેલ : ઇઝરાયેલમાં હીરાનું ટ્રેડિંગ શાંત પરંતુ સ્થિર રીતે ચાલી રહ્યું છે. ઇઝરાયેલ ડાયમંડ એક્સચેન્જે ટેક્સ ઓથોરિટી સાથે થયેલા મહત્વપૂર્ણ કરારનું સ્વાગત કર્યું છે. સંસ્થાનું માનવું છે કે આ કરારથી દેશના હીરા ઉદ્યોગને બેલ્જિયમના એન્ટવર્પ અને દુબઈ જેવા વિશ્વના અન્ય મોટા સ્પર્ધક કેન્દ્રો સામે મજબૂતાઈથી ટકી રહેવામાં મોટી મદદ મળશે.

હોંગકોંગ : હોંગકોંગ માર્કેટમાં હીરાના ભાવ અગાઉ કરતાં વધુ સ્થિર થયા છે અને ખાસ કરીને ૦.૫૦ થી ૧ કેરેટની આઇટમ્સમાં ભાવમાં ધીમો સુધારો જોવા મળી રહ્યો છે. નાના અને કોમર્શિયલ ગ્રેડના હીરા હાલમાં લેબગ્રોન/સિન્થેટિક્સના દબાણ હેઠળ છે. ૧ થી ૩ કેરેટના રૌન્ડ હીરાની માગ મજબૂત છે, જેમાં વિશેષ કરીને ૧.૫૦ થી ૨.૫૦ કેરેટ અને VS1-SI1 કેટેગરી આગળ છે. ચાઇનીઝ બજારમાં રોકાણના હેતુથી ૩ કેરેટ કે તેથી મોટા, D-F કલર અને IF-VVS ક્લેરિટી ધરાવતા પ્રીમિયમ ક્વાલિટી હીરા ખરીદવા પર વધુ ધ્યાન કેન્દ્રિત કરવામાં આવી રહ્યું છે.

Disclaimer : This information has been collected through secondary research and Diamond City Newspaper is not responsible for any errors in the same.