DIAMOND CITY NEWS, SURAT
વૈશ્વિક સ્તરે સોનાની મજબૂત માંગ અને મુખ્ય જ્વેલરી કલેક્શન્સના ઉત્કૃષ્ટ વેચાણના દમ પર હોંગકોંગ સ્થિત અગ્રણી જ્વેલરી બ્રાન્ડ ‘ચો સંગ સંગ’ (Chow Sang Sang) એ નાણાકીય વર્ષ 2026ના પ્રથમ છ મહિનામાં શાનદાર પ્રદર્શન નોંધાવ્યું છે. 30 જૂને પૂરા થયેલા ચાલુ નાણાકીય વર્ષના પ્રથમ છિમાસિક ગાળા દરમિયાન કંપનીની કુલ આવક વાર્ષિક ધોરણે 17% વધીને HKD 12.88 બિલિયન (અંદાજે 1.64 બિલિયન યુએસ ડોલર) સુધી પહોંચી ગઈ છે.
કંપની દ્વારા જાહેર કરવામાં આવેલા તાજેતરના નાણાકીય પરિણામો અનુસાર, રીટેલ સેક્ટરમાંથી થતી આવકમાં 18% નો વધારો નોંધાયો છે, જે HKD 12.71 બિલિયન (1.62 બિલિયન ડોલર) રહી છે. આ ગાળા દરમિયાન કંપનીનો ચોખ્ખો નફો (Profit) 139% ના જંગી ઉછાળા સાથે HKD 2.15 બિલિયન (અંદાજે 274.6 મિલિયન યુએસ ડોલર) ની સપાટી વટાવી ગયો છે. રીટેલ સિવાય ‘અન્ય વ્યવસાયો’માંથી પણ કંપનીએ વધારાની આવક મેળવી છે.
બજાર અને સેમ-સ્ટોર સેલ્સ (સરખા સ્ટોર્સનું વેચાણ) ના વિશ્લેષણ પર નજર કરીએ તો:
- ચીન (મેઇનલેન્ડ): ચીનમાં સોનાના ભાવોમાં ભારે ઉથલપાથલ હોવા છતાં કંપનીના કલ્ચરલ બ્લેસિંગ્સ (Cultural Blessings) અને નોઇર (Noir) જેવા પ્રખ્યાત કલેક્શન્સની માંગ મજબૂત રહી હતી. ચીનમાં પ્રથમ ત્રિમાસિક ગાળામાં સેમ-સ્ટોર સેલ્સ 7% વધ્યું હતું, જે બીજા ત્રિમાસિક ગાળામાં વધીને 17% થયું હતું. આ સાથે પ્રથમ છિમાસિકમાં કુલ સેમ-સ્ટોર ગ્રોથ 11% નોંધાયો છે.
- હોંગકોંગ અને મકાઉ: આ પ્રદેશોમાં સ્થાનિક ગ્રાહકો તરફથી ગોલ્ડ જ્વેલરી અને ફિક્સ્ડ-પ્રાઈઝ (નિશ્ચિત કિંમત ધરાવતી) જ્વેલરીની ભારે ખરીદી જોવા મળી હતી. હોંગકોંગ અને મકાઉમાં પ્રથમ ત્રિમાસિક ગાળામાં સેમ-સ્ટોર વેચાણમાં 46% નો રેકોર્ડ ઉછાળો આવ્યો હતો, જ્યારે બીજા ત્રિમાસિકમાં તે 30% રહ્યો હતો. સમગ્ર પ્રથમ છિમાસિકમાં અહીં 38% નો જબરદસ્ત ગ્રોથ નોંધાયો છે.
પોતાના રીટેલ નેટવર્કને વધુ મજબૂત અને કાર્યક્ષમ બનાવવાના ભાગરૂપે ચો સંગ સંગ ગ્રૂપે આ છ મહિના દરમિયાન નેટ 47 સ્ટોર્સ બંધ કર્યા છે, જેમાંથી મોટાભાગના સ્ટોર્સ ચીન દેશના વિસ્તારોમાં આવેલા હતા. કંપનીએ સ્પષ્ટતા કરી છે કે સ્ટોર્સની પસંદગીપૂર્વક નવી શરૂઆત અને નુકસાન કરતા આઉટલેટ્સ બંધ કરીને તેઓ પ્રોડક્ટિવિટી, આઉટલેટની લોકેશન ક્વોલિટી અને ગ્રાહકો માટે બ્રાન્ડ એક્સપિરિયન્સ સુધારવા પર વધુ ધ્યાન કેન્દ્રિત કરી રહ્યા છે.
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp | YouTube
