DIAMOND CITY NEWS, SURAT
વિશ્વની સૌથી પ્રતિષ્ઠિત ઘડિયાળ બનાવનાર કંપની પેટેક ફિલિપનો ચાર ઘડિયાલોનો અતિ-દુર્લભ સેટ આવતા અઠવાડિયે અબુ ધાબીમાં થનારા સોથેબીઝના ઓક્શનમાં વેચાશે અને તેની કિંમત $૧૦ મિલિયનથી $૨૦ મિલિયન (આશરે ₹૮૫ કરોડથી ₹૧૬૫ કરોડ) સુધી પહોંચી શકે છે.
આ સેટનું નામ છે સ્ટાર કેલિબર ૨૦૦૦ – નવી સદી અને નવા સહસ્ત્રાબ્દીની ઉજવણી માટે માત્ર ૫ સેટ જ બનાવવામાં આવ્યા હતા. દરેક સેટમાં ચાર ઘડિયાલો છે :
- યલો ગોલ્ડ
- વ્હાઇટ ગોલ્ડ
- રોઝ ગોલ્ડ
- પ્લેટિનમ
આ પૈકી ક્યારેય એક પણ પૂર્ણ સેટ ઓક્શનમાં આવ્યો નથી. ફક્ત એક જ યલો ગોલ્ડ ઘડિયાલ ૨૦૧૨માં ક્રિસ્ટીઝ હોંગકોંગમાં $૩.૩ મિલિયનમાં વેચાઈ હતી.
આ ચારેય ઘડિયાલો ડબલ-ડાયલવાળી છે અને દરેકમાં ૨૧ જેટલી કોમ્પ્લિકેશન્સ (જટિલ સુવિધાઓ) છે :
- વેસ્ટમિન્સ્ટર ચાઇમ્સ (બિગ બેન જેવો અવાજ)
- મિનિટ રિપીટર
- સૂર્યોદય-સૂર્યાસ્ત
- ચંદ્રની કક્ષા
- આકાશનો નકશો
- પર્પેચ્યુઅલ કેલેન્ડર
- લીપ યર સાયકલ
- ૨૪ કલાકનું ડિસ્પ્લે… અને ઘણી બધી.
આ સેટ સોથેબીઝના ધ કલેક્ટર્સ વીક ઇન અબુ ધાબી (૨થી ૫ ડિસેમ્બર)નો સૌથી મોટો આકર્ષણ છે. આ અઠવાડિયામાં કુલ $૧ અબજની લક્ઝરી વસ્તુઓ અને ફાઇન આર્ટ વેચાણ કે પ્રદર્શન માટે છે – જે આ વિસ્તારમાં ક્યારેય થયેલું સૌથી મોંઘું ઓક્શન છે.
આ જ અઠવાડિયામાં વિશ્વનો સૌથી મોટો ફેન્સી વિવિડ ઓરેન્જી પિંક હીરો ડેઝર્ટ રોઝ (૩૧.૮૬ કેરેટ) પણ વેચાશે, જેની કિંમત $૫ મિલિયનથી $૭ મિલિયન છે.
જો આ ચાર ઘડિયાળોનો સેટ $૨૦ મિલિયનમાં વેચાય તો તે ઘડિયાળોના ઇતિહાસમાં નવો વિશ્વ રેકોર્ડ બનશે!
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp | YouTube
