Gem Legacy Appoints Three Jewellery Industry Leaders to Its Board of Directors
ચિત્ર : (ડાબેથી જમણે): એની ડોરેસ્કા, સારા યુડ અને માર્ક સ્મેલ્ઝર. (સૌજન્ય : જેમ લેગસી)
- Advertisement -
  • RAPID QUICK LASER SOLUTION
  • DHARMAJ TECHNOLOGIES

DIAMOND CITY NEWS, SURAT

હીરા અને કિંમતી રત્નોના ખનન (માઇનિંગ) સાથે જોડાયેલા પછાત સમુદાયોના કલ્યાણ માટે કામ કરતી વૈશ્વિક બિન-લાભકારી સંસ્થા ‘જેમ લેગસી’ (Gem Legacy) દ્વારા તેના બોર્ડ ઓફ ડિરેક્ટર્સમાં જ્વેલરી ઉદ્યોગના ત્રણ સૌથી પ્રભાવશાળી અને અનુભવી નિષ્ણાતોની નિમણૂક કરવાની સત્તાવાર જાહેરાત કરવામાં આવી છે.

સંસ્થાના જણાવ્યા અનુસાર, આ નવી નિમણૂકોથી સંસ્થાને ફાયનાન્સ, લીગલ કમ્પ્લાયન્સ અને કોમ્યુનિકેશન્સના ક્ષેત્રે એક મજબૂત નેતૃત્વ મળશે. આ નવીન વ્યુહરચનાથી પૂર્વ આફ્રિકાના ટાન્ઝાનિયા અને કેન્યા દેશોમાં પરંપરાગત અને નાના પાયે હીરા-રત્નોનું ખનન કરતા (Artisanal Gem-Mining Communities) પરિવારોને વધુ આર્થિક અને સામાજિક સપોર્ટ પૂરો પાડી શકાશે.

બોર્ડમાં સામેલ થયેલા ૩ અગ્રણી નિષ્ણાતોનો પરિચય

સંસ્થાના બોર્ડ ઓફ ડિરેક્ટર્સમાં સ્થાન મેળવનાર ત્રણેય મહાનુભાવો જ્વેલરી ક્ષેત્રે પોતપોતાના વિશિષ્ટ કાર્યો માટે આંતરરાષ્ટ્રીય સ્તરે જાણીતા છે :

  1. એની ડોરેસ્કા (Annie Doresca) : તેઓ ‘ડાયમંડ કાઉન્સિલ ઓફ અમેરિકા’ (DCA) ના પ્રેસિડેન્ટ અને સીઈઓ છે, તેમજ ‘જ્વેલર્સ ઓફ અમેરિકા’ ના સીઓઓ અને સીએફઓ તરીકે કાર્યરત છે. નાણાકીય વ્યવસ્થાપન, બિન-લાભકારી સંસ્થાઓ ચલાવવાનો બહોળો અનુભવ અને અશ્વેત કલાકારોને ઉદ્યોગમાં સમાન તક આપવા માટે સ્થપાયેલા ‘બ્લેક ઇન જ્વેલરી કોએલિશન’ ના સ્થાપક પ્રમુખ હોવાથી તેઓ આફ્રિકન ખનન વિસ્તારોમાં શિક્ષણ અને રોજગાર વધારવા માટે મહત્વની ભૂમિકા ભજવશે.
  2. સારા યુડ (Sara Yood, Esq.) : તેઓ વર્ષ ૧૯૧૭ થી જ્વેલરી ઉદ્યોગમાં નૈતિકતા અને નિયમોની દેખરેખ રાખતી પ્રખ્યાત સંસ્થા ‘જ્વેલર્સ વિજિલન્સ કમિટી’ (JVC) ના પ્રેસિડેન્ટ, સીઈઓ અને જનરલ કાઉન્સલ છે. સારા યુડ પાસે કાનૂની પાલન, એન્ટી-મની લોન્ડરિંગ (મની લોન્ડરિંગ વિરોધી કાયદા), જવાબદાર સોર્સિંગ (Responsible Sourcing) અને સપ્લાય-ચેઈન ઓવરસાઈટનું અદભુત જ્ઞાન છે, જે હીરાના વેપારને વધુ પારદર્શક બનાવશે.
  3. માર્ક સ્મેલ્ઝર (Mark Smelzer) : તેઓ ‘જ્વેલર્સ મ્યુચ્યુઅલ ગ્રુપ’ (Jewelers Mutual Group) માં બિઝનેસ ડેવલપમેન્ટ વિભાગના વાઇસ પ્રેસિડેન્ટ છે. તે ઉપરાંત તેમણે અગાઉ લગભગ બે દાયકા સુધી વિશ્વપ્રસિદ્ધ ‘JCK મેગેઝિન’ અને JCKonline ના પબ્લિશર તરીકે કામ કર્યું છે. જ્વેલરી સેક્ટરમાં તેમનું નેટવર્કિંગ અત્યંત વિશાળ છે, જે જેમ લેગસીના પ્રોજેક્ટ્સને વૈશ્વિક સ્તરે પ્રચલિત કરવામાં મદદ કરશે.

ટાન્ઝાનિયા અને કેન્યાના કલાકારોને સીધો ફાયદો થશે

જેમ લેગસી સંસ્થા મુખ્યત્વે આફ્રિકાના એવા વિસ્તારોમાં કામ કરે છે જ્યાં ગરીબ અને નાના કારીગરો જમીનમાંથી કિંમતી પથ્થરો અને રફ ડાયમંડ નિકાળે છે. ઘણીવાર આ કારીગરોને તેમના માલના પૂરતા દામ મળતા નથી અથવા કાનૂની ગૂંચવણો નડતી હોય છે. નવી ટીમ આવવાથી આ કલાકારોના બાળકો માટે શિક્ષણ, સેફ માઇનિંગ (સુરક્ષિત ખનન પ્રક્રિયા) ની તાલીમ અને માર્કેટ સાથે સીધું કનેક્શન સ્થાપિત કરવામાં ખૂબ મોટી મદદ મળશે. તાજેતરમાં જ બોર્ડ મેમ્બર સારા યુડે ટાન્ઝાનિયાના આવા પ્રદેશોની રૂબરૂ મુલાકાત પણ લીધી હતી.

સંસ્થાની ક્ષમતા અને વિઝિબિલિટીમાં થશે ધરખમ વધારો

નવી નિમણૂકો અંગે ‘જેમ લેગસી’ ના એક્ઝિક્યુટિવ ડિરેક્ટર બર્નાડેટ મેકે ખુશી વ્યક્ત કરતાં જણાવ્યું હતું કે, “જેમ લેગસી હાલમાં એવા તબક્કે પહોંચી ગઈ છે જ્યાં અમારા બોર્ડની આંતરિક તાકાત સીધી રીતે ખાણકામ કરતા સમુદાયોની સેવા કરવાની અમારી ક્ષમતાને નક્કી કરે છે. એની, સારા અને માર્ક જેવા પ્રતિભાશાળી લીડર્સના જોડાવાથી અમારી સંસ્થા વધુ અસરકારક, સક્ષમ અને વૈશ્વિક સ્તરે વધુ વિઝિબલ (લોકપ્રિય) બનશે, જે ઉદ્યોગના પાયાના કલાકારોના જીવનમાં મોટો સકારાત્મક બદલાવ લાવશે.”


Disclaimer : This information has been collected through secondary research and Diamond City Newspaper is not responsible for any errors in the same.

ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.

FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp | YouTube

- Advertisement -
  • Achromic
  • Siddharth Hair Transplant