DIAMOND CITY NEWS, SURAT
કેલિફોર્નિયા ખાતે યોજાનારી આગામી ‘બોનહામ્સ’ (Bonhams) ઓક્શનમાં એક અત્યંત આકર્ષક મલ્ટીકલર સફાયર (નીલમ) અને ડાયમંડ નેકલેસ મુખ્ય આકર્ષણનું કેન્દ્ર બનશે. આ ઓક્શનમાં આ નેકલેસ $55,000 (આશરે રૂ. 46 લાખથી વધુ) સુધીની કિંમતમાં વેચાય તેવી શક્યતા છે.
બોનહામ્સ ઓક્શન હાઉસની વેબસાઈટ અનુસાર, આ ખાસ ફાઈન જ્વેલરી સેલનું આયોજન 24 સપ્ટેમ્બરે ‘ફાઈન જ્વેલરી: કેલિફોર્નિયા’ નામથી કરવામાં આવશે.
આ નેકલેસ કુદરતી પાંદડાં જેવી સુંદર ફૂલોની ડિઝાઈન ધરાવે છે, જેમાં 3.25, 3.32, 4.56 અને 5.65 કૅરેટ વજન ધરાવતા ચાર મુખ્ય સફાયર જડેલા છે. આ ચારમાંથી બે સફાયર દુર્લભ જાંબલી-ગુલાબી રંગના છે.
આ હરાજીમાં વિશ્વપ્રસિદ્ધ જ્વેલરી બ્રાન્ડ્સ જેવી કે ટિફની એન્ડ કંપની, હર્મેસ અને ડેવિડ વેબની બનાવટો સહિત 200 થી વધુ ઉત્કૃષ્ટ પીસ પ્રદર્શિત અને હરાજી માટે રજૂ કરવામાં આવશે.
હરાજીના ટોપ-5 અગ્રણી જ્વેલરી પીસ અને તેનો અંદાજિત ભાવ :
- 1. મલ્ટીકલર સફાયર અને ડાયમંડ નેકલેસ
- અંદાજિત કિંમત : $35,000 થી $55,000
- વિગત: પાંદડાંની ડિઝાઈન ધરાવતો આ નેકલેસ હરાજીનો મુખ્ય નેકલેસ છે, જેમાં બે પર્પ્લિશ-પિંક સહિત ચાર કિંમતી સફાયર (3.25, 3.32, 4.56 અને 5.65 કૅરેટ) જડેલા છે.
- 2. રત્નો અને હીરા જડિત સંપૂર્ણ જ્વેલરી સેટ (નેકલેસ, બ્રેસલેટ અને એરિંગ્સ)
- અંદાજિત કિંમત : $35,000 થી $55,000
- વિગત : આ ભવ્ય સેટમાં કુલ આશરે 5.85 કૅરેટના હીરા, 36.85 કૅરેટના એમેરાલ્ડ (પન્ના), 33.75 કૅરેટના રૂબી (માણિક) અને 26.85 કૅરેટના સફાયર (નીલમ) જડવામાં આવ્યા છે.
- 3. ગોળ કલ્ચર્ડ પર્લ અને સફાયર-ડાયમંડ નેકલેસ અને બ્રેસલેટ સેટ
- અંદાજિત કિંમત : $30,000 થી $50,000
- વિગત: આ નેકલેસ અને બ્રેસલેટમાં ગોળ કલ્ચર્ડ મોતી તેમજ કુલ 4.90 કૅરેટ વજન ધરાવતા ઓવલ શેપના બ્લુ અને પિંક સફાયર છે. આ સાથે આશરે 7.50 કૅરેટના ગોળ બ્રિલિયન્ટ-કટ હીરા જડવામાં આવ્યા છે.
- 4. 37.70કૅરેટ ડાયમંડ લાઈન નેકલેસ
- અંદાજિત કિંમત : $25,000 થી $35,000
- વિગત : આ નેકલેસમાં કુલ 37.70 કૅરેટ ધરાવતા આશરે 75 ગોળ બ્રિલિયન્ટ-કટ હીરા એક જ લાઈનમાં જડવામાં આવ્યા છે. આ હીરા I થી K કલર ગ્રેડ ધરાવે છે અને મોટે ભાગે VS ક્લેરિટી (સ્વચ્છતા) ધરાવે છે.
- 5. ડેવિડ વેબ ડિઝાઇનર પેન્થર બેંગલ (Panther Bangle)
- અંદાજિત કિંમત : $25,000 થી $35,000
- વિગત : બ્રાન્ડ ‘ડેવિડ વેબ’ દ્વારા તૈયાર કરાયેલી આ બંગડી પોતાની પૂંછડી પકડેલા ચિત્તા (પેન્થર) ની ડિઝાઈનમાં છે. તેની બોડી બ્લેક ઈનામલ (મીનાકારી) ની છે, જ્યારે તેનું મોં અને પટ્ટો 1.10 કૅરેટ ધરાવતા 70 થી વધુ ગોળ બ્રિલિયન્ટ-કટ હીરાથી સજાવવામાં આવ્યા છે. આ પેન્થરની આંખોમાં ગોળ કેબોચોન રૂબી (માણિક) જડેલા છે.
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp | YouTube
