હીરાની કિંમતો વધુ પોઝિટિવ ટ્રેન્ડ તરફ : રેપાપોર્ટ

1 કેરેટ રાઉન્ડ હીરાનો ટ્રેન્ડ, D થી H, IF થી VS2 હીરા - 0.1% વધ્યો છે કારણ કે IF થી VVS1 માલના ભાવમાં વધારો થયો છે

December 18, 2024

Diamond prices on more positive trend Rappaport-1 — ફોટો સૌજન્ય : રેપાપોર્ટ ગ્રૂપ

- Advertisement -

DIAMOND CITY NEWS, SURAT

રેપાપોર્ટ ગ્રૂપના જણાવ્યા અનુસાર નવેમ્બરમાં કેટલીક શ્રેણીઓમાં હીરાના ભાવમાં વધારો જોવા મળ્યો હતો. વૅકેશન પહેલાની માંગ અને પોલિશ્ડ ઉત્પાદનમાં ઘટાડાથી છેલ્લા આઠ મહિનાના નેગેટિવ ટ્રેન્ડ પછી આ મહિને પોઝિટિવ ટ્રેન્ડની શરૂઆત થઈ છે.

RapNet ડાયમંડ ઈન્ડેક્સ (RAPI™) 1 કેરેટ રાઉન્ડ હીરાનો ટ્રેન્ડ, D થી H, IF થી VS2 હીરા – 0.1% વધ્યો છે કારણ કે IF થી VVS1 માલના ભાવમાં વધારો થયો છે કારણ કે VVS2 થી VS2 ભાવમાં ઘટાડો અટક્યો છે. ઈન્ડેક્સ 0.30-કેરેટ રફ માટે 1.6% અને 0.50 કેરેટ માટે 1.4% વધ્યો, પરંતુ 3 કેરેટ માટે 0.3% ઘટ્યો.

રાઉન્ડ, ડી, 0.30-, 0.50- અને 1-કેરેટ સાઇઝમાં આંતરિક રીતે દોષરહિત હીરાના સ્ટોકમાં મોટો ઘટાડો થયો, જેના કારણે ભાવ ઊંચકાયા છે.

યુએસ જથ્થાબંધ વેપારીઓની રજાઓની સ્થિર માંગની ધારણાથી વેપારનું સેન્ટિમેન્ટ સુધર્યું હતું. VS2 થી SI2 હીરાનું વેચાણ સ્થિર હતું, પરંતુ ભાવ મિશ્ર હતા. સૌથી વધુ ટ્રેન્ડ 1.50-કેરેટ અને F થી H, VS2 થી SI2, 3X હીરા, ખાસ કરીને મોટી સાઇઝમાં જોવા મળ્યો હતો. માર્કેટમાં સ્પેશ્યલ કટ સાથે ફૅન્સી હીરા તથા પસંદગીના હીરા શોધવા મુશ્કેલ હતા, જ્યારે બહુ ઓછો ઇચ્છનીય માલ સ્ટોકમાં તૈયાર બનેલો હતો. ભારતીય છૂટક માંગે નાના હીરાના બજારને ટેકો આપ્યો હતો.

રેપાપોર્ટે માહિતી આપી એ મુજબ, ભારતીય પોલિશિંગ ફૅક્ટરીઓ દિવાળી પછી ધીમે ધીમે ફરી શરૂ થઈ રહી છે. ડી બિયર્સે માંગને ઉત્તેજિત કરવા માટે તેની ડિસેમ્બરની સાઇટના રફ ભાવમાં 10% થી 15% સુધીનો ઘટાડો કર્યો હતો, પરંતુ સાઇટહોલ્ડરોની દ્રષ્ટિએ રફનો ભાવ ઘટાડો બિનલાભકારી રહ્યો હતો. ટેન્ડર પરની કિંમતો હવે ડી બીયર્સ કરતાં લગભગ 10% સસ્તી છે.

વેપારીઓ અનિશ્ચિત હતા કે માંગમાં સુધારો રજાની સિઝન પછી પણ ચાલુ રહેશે અને ભારતનું પોલિશ્ડ ઉત્પાદન સામાન્ય સ્તરે પાછું આવશે. અમેરિકી પ્રમુખ તરીકે ડોનાલ્ડ ટ્રમ્પની ચૂંટણી બાદ યુએસ શેરબજારમાં તેજી આવી હતી, જેમાં વૈભવી ખર્ચની અપેક્ષાઓ વધી હતી.

વધુમાં રેપાપોર્ટ નોંધે છે કે ઉદ્યોગે કેટેગરી માર્કેટિંગ પર ધ્યાન કેન્દ્રિત કર્યું છે, અને સ્વીકાર્યું છે કે ઔદ્યોગિક ચડાવ-ઉતાર, તેજી-મંદીનું ચક્ર કાયમી હોતું નથી. એન્ટવર્પ, દુબઈ અને ભારતમાં વેપારી સંસ્થાઓએ નેચરલ ડાયમંડ કાઉન્સિલ (NDC)ને સમર્થન આપવા માટે $65 મિલિયન ફંડ માટે કરી શરૂ કરી દીધું છે, અને ડી બીયર્સે “એ ડાયમંડ ઇઝ ફોરએવર” ટેગલાઇન દર્શાવતી હોલિડે ઝુંબેશ પણ શરૂ કરી છે. આ વિવિધ પ્રયાસોથી નેચરલ ડાયમંડ ઉદ્યોગને લાંબાગાળાનો લાભ થશે.

Disclaimer : This information has been collected through secondary research and Diamond City Newspaper is not responsible for any errors in the same.