જેમફિલ્ડ્સે તેની તાજેતરની હરાજીમાં $7.2 મિલિયન લાવ્યા, કારણ કે રૂબીઝની માંગમાં વધારો થયો હતો.
કંપનીએ સોમવારે જણાવ્યું હતું કે, 21 થી 25 એપ્રિલ દરમિયાન મોઝામ્બિકમાં તેની મોન્ટેપુએઝ ખાણમાંથી ઓફર કરાયેલા 21માંથી 20 રફ રૂબીઝના લોટ વેચ્યા. બેંગકોકમાં થયેલી આ હરાજીમાં મિશ્ર-ગુણવત્તાવાળા રફ રૂબીઝનો સમાવેશ થતો હતો.
જેમફિલ્ડ્સના ઉત્પાદન અને વેચાણના મેનેજિંગ ડિરેક્ટર એડ્રિયન બેંક્સે જણાવ્યું હતું કે, “આ હરાજીમાં મજબૂત હાજરી અને મજબૂત માંગ જોવા મળી હતી, જે વૈશ્વિક બજારોમાં ટૅરિફ-પ્રેરિત અનિશ્ચિતતાની પૃષ્ઠભૂમિ સામે રૂબી બજારની સ્થિતિની સમયસર પુષ્ટિ આપે છે. આ હરાજી એક હાઈબ્રીડ ઓફરિંગ હતી, જેમાં પ્રાથમિક અને ગૌણ રૂબી બંનેનો સમાવેશ થતો હતો. ઓફર કરાયેલા પ્રાથમિક રૂબી વ્યાપારી ગુણવત્તાના હતા, જે મુખ્યત્વે નાના કદમાં.”
જેમફિલ્ડ્સે પ્રતિ કેરેટ $39ના સરેરાશ ભાવે 2,50,004 કેરેટ રૂબી વેચ્યા. જે પાર્સલ વેચાયું ન હતું તે ઓફર પર સૌથી મોટું હતું, જે હરાજીમાં ઉપલબ્ધ કૂલ કેરેટના 27% જેટલું હતું, તેમ જેમફિલ્ડ્સે નોંધ્યું હતું.
મોન્ટેપુએઝ હાલમાં કાર્યરત જેમફિલ્ડ્સની એકમાત્ર ખાણ છે. ખાણિયાએ પડકારજનક બજાર અને માંગમાં ઘટાડા વચ્ચે પૈસા બચાવવા માટે ઝામ્બિયામાં કાગેમ એમેરાલ્ડ ડિપોઝિટ સહિત તેના અન્ય વ્યવસાયો પર કામ અટકાવ્યું હતું.
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp | YouTube
