DIAMOND CITY NEWS, SURAT
યુક્રેન પર હુમલા બાદથી અમેરિકી સરકાર રશિયા પર ભડકી છે. થોડા થોડા સમયના અંતરે અમેરિકા રશિયા અને રશિયાની કંપનીઓ સામે પ્રતિબંધોની જાહેરાત કરી છે. તાજેતરમાં અમેરિકી સરકારે રશિયા ખાતેની એજીડી ડાયમંડ અને તેની પેટા કંપની ગ્રિબ ડાયમંડ્સ કંપની પર પ્રતિંબંધો લાદ્યા છે.
AGD રશિયામાં ગ્રિબ ખાણની માલિકી ધરાવે છે, જ્યારે ગ્રિબ ડાયમન્ડ્સ તેના બેલ્જિયમ સ્થિત કામગીરી દ્વારા ડિપોઝિટમાંથી રફ વેચે છે. યુએસ ડિપાર્ટમેન્ટ ઑફ ટ્રેઝરી ઑફિસ ઑફ ફોરેન એસેટ્સ કંટ્રોલ (OFAC) એ 14 સપ્ટેમ્બરે લગભગ 100માંથી આ બે સંસ્થાઓને ટાર્ગેટ કરી તેમની પર પ્રતિબંધો લાદ્યા છે.
સરકારી એન્ટિટીએ વિટાલિજ વિક્ટોરોવિચ પરફિલેવ પર પણ પ્રતિબંધો લાદ્યા હતા, જે હાલમાં સેન્ટ્રલ આફ્રિકન રિપબ્લિક (CAR) ના પ્રમુખના રાષ્ટ્રીય સુરક્ષા સલાહકાર તરીકે સેવા આપતા રશિયન વેગનર જૂથના અધિકારી છે. જ્વેલર્સ વિજિલન્સ કમિટી (JVC) ના સભ્યની ચેતવણી અનુસાર, વેગનર ગ્રૂપ અને સબ-સહારન આફ્રિકન ગોલ્ડ સેક્ટર વચ્ચેના સંબંધોને કારણે પરફિલેવનું હોદ્દો જ્વેલરી ઉદ્યોગ માટે મહત્વપૂર્ણ છે.
ટ્રેઝરી સેક્રેટરી જેનેટ યેલેને જણાવ્યું હતું કે, “નવા પ્રતિબંધો સાથે યુનાઇટેડ સ્ટેટ્સ રશિયાની સૈન્ય સપ્લાય ચેનને નિશાન બનાવવા અને પુતિનને યુક્રેન પર તેનું બર્બર યુદ્ધ ચલાવવા માટે જરૂરી સાધનો, ટેક્નોલૉજી અને સેવાઓથી વંચિત રાખવા માટે અમારું અવિરત કાર્ય ચાલુ રાખી રહ્યું છે. અમે એ પણ સ્પષ્ટ કર્યું છે કે તે વ્યક્તિઓ અને સંસ્થાઓ કે જેઓ યુદ્ધથી નફો કરે છે અને તેમની ક્રેમલિનની નિકટતા છે તેને જવાબદાર ગણવામાં આવશે.”
OFAC એ આ અગાઉ અલરોસા અને તેના ભૂતપૂર્વ CEO સર્ગેઈ ઇવાનવ સહિત ઉદ્યોગના અન્ય પક્ષો સામે પ્રતિબંધો જારી કર્યા છે. જુલાઈમાં તેણે કંપનીના વર્તમાન સીઈઓ, પાવેલ મેરિનીચેવ, તેમજ યુરલ માઇનિંગ અને મેટલર્જિકલ કંપનીને ઉમેર્યા , જે તાંબું, જસત અને સોના જેવી ધાતુઓના રશિયાના સૌથી મોટા ઉત્પાદકોમાંની એક છે.
Disclaimer : This information has been collected through secondary research and Diamond City Newspaper is not responsible for any errors in the same.
______________________________________________________
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM
