The World Jewellery Confederationના પ્રમુખ, Gaetano Cavalieriને તેમના નોંધપાત્ર દાગીના અને આભૂષણો માટે પ્રતિષ્ઠિત 2023 IPMI જૂન-ઇચિરો તનાકા વિશિષ્ટ સિદ્ધિ પુરસ્કાર એનાયત કરવામાં આવ્યો છે. એવોર્ડ સમારોહ 13મી જૂનના રોજ સ્કોટ્સડેલ, એરિઝોના, USAમાં આયોજિત ઇન્ટરનેશનલ પ્રિસિયશ મેટલ્સ ઇન્સ્ટિટ્યૂટ (IPMI) ની 47મી કોન્ફરન્સ દરમિયાન યોજાયો હતો.
ટોક્યો સ્થિત તનાકા ગ્રૂપના CEO, કોઈચિરો તનાકાએ Dr. Cavalieriને જૂન-ઇચિરો તનાકા વિશિષ્ટ સિદ્ધિ પુરસ્કાર અર્પણ કર્યો. તનાકા મેમોરિયલ ફાઉન્ડેશન દ્વારા પ્રાયોજિત આ સન્માન, કિંમતી ધાતુ ઉદ્યોગના તકનીકી, આર્થિક અથવા વ્યવસ્થાપક પાસાઓમાં અસાધારણ કારકિર્દી સિદ્ધિઓને માન્યતા આપે છે. પુરસ્કારના અગાઉના પ્રાપ્તકર્તાઓ મુખ્યત્વે વિશ્વભરની અગ્રણી શૈક્ષણિક સંસ્થાઓ સાથે સંકળાયેલા પ્રખ્યાત વૈજ્ઞાનિકો છે.
તેમની કૃતજ્ઞતા વ્યક્ત કરતાં The World Jewellery Confederationના પ્રમુખ, Gaetano Cavalieriએ કહ્યું કે,હું માનું છું કે આ મહત્વપૂર્ણ માન્યતા સૂચવે છે કે પારદર્શિતા, જવાબદારી અને સામાજિક જાગૃતિની અમારી થીમ્સ અમારા સમુદાયમાં ગુંજી ઊઠી છે, અને તેમને કેટલીક સૌથી ગ્રાઉન્ડબ્રેકિંગ વૈજ્ઞાનિક સિદ્ધિઓની જેમ સમાન સ્તરે મૂકવામાં આવી છે. ખરેખર સંતોષકારક છે. હું તનાકા મેમોરિયલ ફાઉન્ડેશન અને IPMIનો તેમની ઉદારતા માટે આભાર માનું છું.
અગાઉ, ડૉ. કેવેલિયરીએ જ્વેલરી ઉદ્યોગમાં જવાબદાર સોર્સિંગ અને સપ્લાય ચેઇન અખંડિતતા માટેના સર્વગ્રાહી અભિગમની તપાસ કરતા IPMI કોન્ફરન્સમાં વ્યાપક સંબોધન કર્યું હતું. તેમણે કોન્ફરન્સમાં જણાવ્યું હતું કે, જ્વેલરી જેવા લક્ઝરી પ્રોડક્ટ ઉદ્યોગમાં સસ્ટેનીબીલીટી એક જ ઉપક્રમ દ્વારા નહીં, પરંતુ લોકો અને કંપનીઓ સાથે મળીને અથવા વ્યક્તિગત રીતે કામ કરીને ઘણા બધા કાર્યો દ્વારા પ્રાપ્ત થશે.છેલ્લાં કેટલાંક વર્ષોમાં આ સંદર્ભે પ્રેક્ટિસના એકસમાન ધોરણોને અપનાવવા તરફ મજબૂત હિલચાલ થઈ રહી છે.
______________________________________________________
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM