વર્લ્ડ જ્વેલરી ઇન્ડસ્ટ્રી માટે સ્થિરતા એ નિરંતર વિકસતા મિશન સમાન છે. કેમ કે ગ્રાહકોની ખરીદીની આદત સતત બદલાતી રહે છે. તાજેતરના દિવસોમાં ગ્રાહકો પર્યાવરણ પ્રત્યે જાગૃત થયા છે. તેઓ જે જ્વેલરી ખરીદે છે, પહેરે છે તેના ઉત્પાદન પ્રક્રિયા દરમિયાન પર્યાવરણ પર કોઈ માઠી અસર પડી છે કે કેમ તે અંગે હવે ગ્રાહકો જાણવા માંગે છે. તેથી જ જ્વેલરી બ્રાન્ડ માટે પણ હવે તેઓ જે જ્વેલરી બનાવે છે તેના ઉત્પાદનમાં ઉપયોગમાં લેવાયેલા કાચા માલના ઉત્ત્પત્તિનો સ્ત્રોત જાણવો જરૂરી બન્યો છે.
લાંબા સમયથી ઓવર-ધ-ટોપ પેકેજિંગ એ જ્વેલરી બ્રાન્ડ્સ દ્વારા ઓફર કરવામાં આવતો અનિવાર્ય પ્રીમિયમ અનુભવ રહ્યો છે, પરંતુ હવે ઘણા અગ્રણી વર્લ્ડ પ્લેયર્સ જેમ કે બાઉશેરોન, પાન્ડોરા અને ચોપાર્ડ નૈતિક ઉપભોક્તાવાદને મદદ કરવા માટે અસાધારણ પેકેજિંગથી દૂર પર્યાવરણને અનુકૂળ વિકલ્પો તરફ આગળ વધી રહ્યા છે.
ટીફની એન્ડ કંપનીનું આઇકોનિક બ્લુ પેકેજિંગ ઇકો-મેકઓવર સમાન છે. બ્રાંડ દ્વારા 2022માં તેના પેકેજિંગમાં 65% રિસાયકલ કરેલી સામગ્રીનો ઉપયોગ કરવાનું શરૂ કરાયું હતું. 2025 સુધીમાં બ્રાન્ડ સિંગલ-યુઝ પ્લાસ્ટિક પેકેજિંગ અને પ્લાસ્ટિક ધરાવતા કોલેટરલ્સને દૂર કરવાની યોજના ધરાવે છે.
પાન્ડોરા પણ સર્ક્યુલર મટીરયલ્સ સાથે પ્રયોગ કરી રહ્યું છે જે રિયુઝ અથવા રિસાયકલ કરવામાં સરળ હોઈ શકે છે. ડેનિશ જ્વેલરી બ્રાન્ડ હવે તેની કેરિયર બેગમાં પ્લાસ્ટિકનો ઉપયોગ કરતી નથી અને તેણે ઓછી સામગ્રીનો ઉપયોગ કરીને તેના બોક્સનું કદ પણ ઘટાડી દીધું છે જેથી તેને રિસાયકલ કરવાનું સરળ બને છે. પાન્ડોરા દાવો કરે છે કે તેમની નવી ડિઝાઇનના પરિણામે જ્વેલરી બોક્સના તેમના અગાઉના વર્ઝનની સરખામણીમાં 60% કરતાં વધુ ઓછા ગ્રીનહાઉસ ગેસ ઉત્સર્જન થઈ રહ્યું છે. પાન્ડોરા નાની અને હળવા મટીરયલ્સ સાથે તેના ટ્રાન્સપોર્ટેશનને પણ ઘટાડવાની આશા રાખે છે.
ચોપાર્ડના જણાવ્યા અનુસાર, તે તેની તમામ ઇન-સ્ટોર શોપિંગ બેગ અને રેપિંગ માટે માત્ર FSC-પ્રમાણિત કાગળનો ઉપયોગ કરે છે. FSC એ એક માનક સેટિંગ સંસ્થા છે જે વિશ્વભરમાં ટકાઉ વનીકરણની પ્રેક્ટિસને પ્રોત્સાહન આપે છે. ચોપાર્ડ FSC-પ્રમાણિત લાકડું, પાણી આધારિત વાર્નિશ અને ગુંદર, રિસાયકલ કરેલા કાગળ અને કાર્ડબોર્ડ તેમજ સ્ટેનલેસ સ્ટીલ હિન્જ્સ અને ફાસ્ટનિંગ સિસ્ટમ્સનો ઉપયોગ કરીને લાકડાના અખરોટના બોક્સનો ઉપયોગ કરે છે જે અનંતપણે રિસાયકલ કરી શકાય છે. પરંતુ શું એક જ પેકેજિંગમાં, રિસાયકલેબિલિટીની વિવિધ ડિગ્રી સાથે ઘણી બધી વિવિધ સામગ્રીનો ઉપયોગ કરવો એ એક સ્માર્ટ પસંદગી છે? પેકેજિંગ માટે સામગ્રી પસંદ કરતી વખતે શું બ્રાન્ડ્સ અભ્યાસ કરે છે કે વિવિધ સામાજિક-આર્થિક, ભૌગોલિક સ્થળોએ તેમના ગ્રાહકો કેવી રીતે તેનો નિકાલ કરે છે?
મેકકિન્સે દ્વારા ‘પેકેજિંગમાં ટકાઉપણું’ અહેવાલ દર્શાવે છે કે સ્થાનિક ગ્રાહકો, વિવિધ પ્રદેશોમાં, ઉત્પાદનોનો ઉપયોગ કેવી રીતે કરે છે અને પેકેજિંગનો નિકાલ કેવી રીતે કરે છે તે સમજવું નિર્ણાયક છે. રિપોર્ટમાં ભલામણ કરવામાં આવી છે કે યોગ્ય ટકાઉ પેકેજિંગ પ્લાનમાં ક્રેડલ-ટુ-ગ્રેવ પેકેજિંગ સફર ભરવાથી લઈને ઉપયોગ અને નિકાલ સુધીનો વ્યાપક મેપિંગનો સમાવેશ થવો જોઈએ.
સસ્ટેનિબિલીટ વિશે સૌથી વધુ ચિંતિત ગ્રાહકોના પ્રકારો પૈકી આ અહેવાલ સૂચવે છે કે જનરેશન-X વિવિધ સસ્ટેનિબિલીટીના મુદ્દાઓ વિશે સૌથી વધુ ચિંતિત છે, ત્યારબાદ Gen-Z, મિલેનિયલ્સ અને બેબી બૂમર્સ આવે છે. Gen-Z અને Gen-X ને અપીલ કરવી એ લક્ઝરી બ્રાન્ડ્સ માટે નિર્ણાયક છે કારણ કે આ ડેમોગ્રાફી એશિયા-પેસિફિક (APAC) પ્રદેશની વસ્તીના એક ચતુર્થાંશ કરતાં વધુ બનાવવાની આગાહી છે. અન્ય અહેવાલ મુજબ એકલા યુ.એસ.માં જનરલ-ઝેડની નિકાલજોગ આવક $360 બિલિયનથી વધુ છે.
બાઉશેરોન, અગ્રણી પેરિસિયન જ્વેલરી હાઉસ તેના ગ્રીન એજન્ડાને વધુ ગંભીરતાથી લઈ રહ્યું છે. કેરિંગ ગ્રૂપ બ્રાન્ડે તાજેતરમાં વિશ્વભરમાં તેની જ્વેલરી માટે માત્ર ટકાઉ જ્વેલરી કેસ ઓફર કરવાની પહેલ શરૂ કરી છે. માત્ર બે કુદરતી અને રિસાયકલ કરી શકાય તેવી સામગ્રીમાંથી બનાવેલા એલ્યુમિનિયમ અને વૂલ-ફેલ્ટ, બાઉશેરોને વધુ ઉત્પાદન અને કચરો ઘટાડવા માટે તેના હાલના 12 લક્ઝુરિયસ જ્વેલરી બોક્સને બદલવા માટે 7 બોક્સ શૈલીઓ ડિઝાઇન કરી છે. બાઉશેરોનના સીઈઓ હેલેન પૌલિટ ડુક્વેસ્ને કહે છે કે, અમે જ્વેલરી પેકેજિંગની પુનઃકલ્પના કરી રહ્યા છીએ જેથી સમૃદ્ધિ પર હળવાશ અને વધુ જવાબદાર સામગ્રીની તરફેણ કરી શકાય.
બાઉશેરોને તેના જ્વેલરી બોક્સના બાહ્ય-કેસ માટે એલ્યુમિનિયમ પસંદ કર્યું કારણ કે તે હલકું, ટકાઉ અને રિસાયકલ કરી શકાય તેવું છે. બૉક્સમાં કોઈ બિન-રિસાયકલ ન કરી શકાય તેવા મેટલ હિન્જ્સ અથવા અન્ય કનેક્ટિંગ ભાગો નથી. માત્ર એક સરળ ઢાંકણ ખોલવાની શૈલી છે. બૉક્સની અંદર જ્વેલરીને કોઈપણ પ્રકારના ગુંદર અથવા સીવણની સહાય વિના વૂલ-ફેલ્ટમાં વીંટાળવામાં આવે છે, જે રિસાયક્લિંગ પ્રક્રિયામાં એલ્યુમિનિયમથી અલગ કરવાનું સરળ બનાવે છે.
આ બોક્સમાં આકાશમાંથી પ્લેસ વેન્ડોમ, પેરિસની પેટર્નને રજૂ કરવા માટે એલ્યુમિનિયમ પર એમરલ્ટ કટ ડિઝાઇનની એકસરખી રીતે શિલ્પવાળી જાળી છે. એલ્યુમિનિયમ જ્વેલરી બોક્સ પહેલેથી જ પેરિસમાં પ્લેસ વેન્ડોમ ખાતે બાઉશેરોનના ફ્લેગશિપ સ્ટોરમાં ઉપયોગમાં લેવાય છે. બાઉશેરોન 2024 સુધીમાં વિશ્વભરના તમામ બુટિકમાં ઇકો-ફ્રેન્ડલી બોક્સ રજૂ કરવાની યોજના ધરાવે છે.
______________________________________________________
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM
